သန်ယံကျူးမှ မိုးသောက်ထတွင်

(တစ်)
ဥဒေါင်းအစ်ကိုတွေ
ဥဒေါင်းအပျိုတွေ
ဥဒေါင်းအဖွားတွေ
ဥဒေါင်းသားတွေ
ဥဒေါင်းဇနီးတွေ
ဥဒေါင်းသမီးတွေ
ဥဒေါင်းအဘတွေ
ဥဒေါင်းအမတွေ
ဥဒေါင်းအဘေးတွေ
ဥဒေါင်းကလေးတွေ
ရေးချင်တာရေးခွင့်မရ
တွေ့ချင်တာတွေ့ခွင့်မရ
စားချင်တာစားခွင့်မရ
သွားချင်တာလဲသွားခွင့်မရ
မြင်ချင်တာလဲမြင်သွားမရ
တင်ချင်တာလဲတင်မသွားရ
အသိအမြင်ရှိသမျှ
ဘဝတွေလှဘို့လေး
ဒို့အရေး ဒို့အရေး
ဒို့အရေး ဒို့အရေးနဲ့
ဟစ်ကြွေးညံကျွက်
ငရဲပွက်သလို
ကမာBပျက်သလို
ကျနော်တို့အခွင့်အရေး
ကျမတို့အခွင့်အရေး
အဘွားတို့အခွင့်အရေး
သားတို့အခွင့်အရေး
ပေးပါ ပေးပါ
ညီတူစွာတောင်း
အူဟောင်းလောင်းနှင့်
အဆက်မပျက်တောင်း
စစ်သေနတ်ပြောင်းဝမှာ
အလောင်းမရ ခေါင်းမရနဲ့
ချေင်းဝ မြောင်းဝ
ဒေါင်းအလှတွေစဒေး
ကောင်းကြသေးရဲ့လား။

(နှစ်)
ရှစ်လေးလုံးရဲ့မနက်
ရပ်ကွက်တိုင်း ရပ်ကွက်တိုင်း
မြို့တိုင်း မြို့တိုင်း
တတိုင်း တပြည်လုံး
တနိုင်ငံလုံး
တကမာBလုံး
စကြာဝဠာ
လောကတိုက်တစ်ခုလုံးဟာ
လှိုင်းလုံးကြီးတစ်ခုလုံးဟာ
စောင့်စားလို့နေကြတာပါ။

(သုံး)
လာကြပြီ လာကြပြီ
အာဇာနည်အဘိုးရဲ့မြေး
ပန်းဖူးလေးတွေ
ပန်းဖူးလေးတွေ
ဒို့အရေး ဒို့အရေးတဲ့
သင့်ကလေးတွေကများ
ရက်စက်တဲ့ဘီလူးအစိုးရအား
ပုန်းစားလို့ခြားနားကြပြီ
တတိုင်းပြည်လုံး ရဲရဲနီ

(လေး)
တပြည်လုံးပြောင်းဆန်
သည်းခံမှု တာတမံရိုး
ပွင့်ကျိုးလို့ ထွက်ကျ
တက်ဟတက်ဟ
ကြွကြွတက်လာတဲ့လူလှိုင်း
နေရာတိုင်း နေရာတိုင်း
ခွပ်ဒေါင်းအလံတွေသိုင်းက
အဖြူအစိမ်းတွေလှိုင်းကြွ
အို မှိုင်းအဘ။
မှိုင်းအဘနဲ့ ဖခင်အောင်ဆန်းတို့ရဲ့
ပုံတူပန်ချီကား
သူတို့တပ်ဦးဖျားမှာ
ဝင့်ဝင့်ထယ်ထယ် သပ်သပ်ရပ်ရပ်
သိတတ်လိုက်ကြတာ
သိတတ်လိုက်ကြတာ
ခံ့ငြားထည်ဝါတဲ့ မျက်နှာတွေနဲ့
ငရုပ်လေးတွေပါ ဘရှုတ်လေးတွေပါ
ဘယ်သူပြောဦးမှာလဲ
အနာဂါတ်ရဲ့ ပန်းချီပွဲ။

(ငါး)
လူသတ်အစိုးရ
ဖြုတ်ချ ဖြတ်ချ
အပ်တိုတစ်ချောင်းမျှ
မပါလာကြတဲ့ အာဂပန်းတွေ
လက်သီး လက်မောင်းတန်း
ကြောက်ခမန်းလိလိရာဇဝင်
ဟေ့အာဏာရှင် ကမာBတခွင်မှာ
နေစရာရှိသေးရဲ့လား။

(ခြောက်)
ဟေ့
စားပွဲခုံပေါ် အုတ်ခုံေါ်တွေမှာ
ရဲရင့်တဲ့မျက်နှာနဲ့
နာကျည်းစွာပြောကြား
သားသတ်သမားများရဲ့
အဆီစားခဲ့ကြတဲ့
မုသားအပြည်နဲ့ သမိုင်းစာအုပ်
အပုတ်နံ့တထောင်းထောင်း
ရေဆိုးမြောင်းထဲမှာ။

(ခုနှစ်)
အမျိူးကောင်းညီမ
ခက်ထန်စွာပြောပြ
အကျဉ်းခံညမိုက်
မြေတိုက် မှောင်မည်း
တစ်ယောက်ထဲခြောက်ခြား
ဝံပုလွေများ တစ္ဆြေွများ
မဆလခွေးများ
တဟားဟားနဲ့
ရုန်းအားကန်အားတွေခန်း
အထွ၌ အမြတ်ပန်းဝိုင်းနင်း
ဘီလူးဇါတ်ခင်းကြ
ကမာBကြေရမှာလား
ကမာBကြေရမှာလား။

(ရှစ်)
နံငယ်တစ်ပိုင်ြး
ခါးရိုးတွေကိုင်းနေတဲ့အဘိုး
ရှေ့ရဲရဲတိုးလာ
ရှေ့နှစ်ကိုရာထား
မျိုးစပါးနှင့်ဇွတ်လာလို့မွှေနှောက်
စစ်ဖိနပ်နဲ့ကန်ကျောက်လို့
ရတက်မီးပြင်းစာတောက်
အသက်ပျောက်ခဲ့ ချစ်ဇနီးတွက်
လက်စားခြေမယ်
လက်စားခြေပါရစေ
မျက်ရည်တွေတွေကျ
အဘိုးအိုတစ်ယောက်က
စိန်ခေါ်ပြနေပြီ
ဟေ့ မဆလ မင်းဘဝနေဝင်ချိန်

(ကိုး)
ဒီမိုကရေစီေးပါ
လူ့အခွင့်အရေးပေးပါ
ကျောမွဲခြေဗမာနဲ့
ရေဆာသလို မပြတ်တောင်း
ခွပ်ဒေါင်းတွေရဲ့အသံတွေကြား
လူယုတ်မာတို့နားခါး
သားသတ်သမားတွေလွှတ်ခဲ့ပြီ။

(တစ်ဆယ်)
အစိမ်းရောင်ကားကြီးတွေ
လူအုပ်ကြားထဲခွင်း
တစင်းပြီးတစင်း
ဗရင်းကယ်ရီယာ
အရှိန်ပြင်းစာနင်းဖြတ်
အတင်းအဆက်မပြတ်
တရစပ်ပစ်ခတ်
အပိုင်းပိုင်းအပြတ်ပြတ်
ဟပ်ထိုးပစ်လဲ
ပေါက်ကွဲမှုတဝုန်းဝုန်း
ယမ်းငွေ့လုံးကြား
သွေးများလမ်းထက်
ပွက်ပွက်ဆူကြွ
ရိုးသားတဲ့ဘဝတွေဆုံး
တနိုင်ငံလုံးယမ်းငွေ့ဖုံး။

(ဆယ်တစ်)
ယုတ်ညံ့သိမ်ဖျင်း
လူမဆန်စွာနှိမ်နင်းပွဲ
ကိုယ်ကျိုးနည်းရှာ
ဆေးရုံကြီးပေါ်မှာ
လူနာတွေအတုံးအရုံး
သွေးတွေဖုံးလွှမ်း
ငေါက်ငေါက်ပန်းထွက်
အသိန်းအသန်းကဠေကဠာ
တို့ဗမာတွေ။

(ဆယ်နှစ်)
ကုတင်တွေကြပ်ညှပ်
အထပ်ထပ်တင်
ကြမ်းပြင်ပေါ်ချထား
တိရိစ္ဆြာွန်တွေအလား
လူသွားစင်္ကြန်လမ်း
အခန်းအခန်းများ
အမည်ဇယား
မရှိအားတော့
မောင်ဖြူလား
မောင်ညိုလား
လူနာလား
မသာလား
က္ကုတ္တိယလား
နောက်ကမှန်သလား
အပေါက်ဝကျန်သလား
ရှပ်မှန်သလား
ထပ်မှန်သလား
သင်္ကန်းစလား
သွေးစလား
အားခန်းသလား
အဖျားကြမ်းသလား
ဆေးလိုသလား
သွေးလိုသလား
အအေးပိုသလား
အတွေးမပိုအား
တစပြင်အလား
တစ်ပွင့်ပြီးတစ်ပွင့်
တလွင့်လွင့်ကြွေရှာ
ကုရာနတ္တိ
ဆေးလဲမရှိသွေးလဲမရှိ
မချိမဆန့်ပုံ
အရေးကြုံသည်
ဆေးရုံကနှလုံးလှဆရာမ
ခြုံးပွဲချငိုကျွေး
ပြည်သူတွေအရေး
အရှည်ကိုတွေး
အရေးပေါ်စုပေါင်း
တောင်းဆိုတရပ်
အပစ်အခတ်ရပ်ပေးပါ
အသနားခံရှာ
အဏာမူးရစ်၊ဘီလူးစစ်တပ်
စစ်သေနတ်နဲ့တရစပ်ဆွဲ
ကြက်ခြေနီအလံလဲ
ကိုယ်ကျိုးနည်းကြပြန်လေပြီ။

(ဆယ်သုံး)
သေနတ်စက်သံ
အရပ်ပျက်သံ
ဇနီးမယားခေါ်သံငြီးတွားအော်သံ
သမီးပျောက်ခေါ်သံ
မီးတောက်အော်သံ
တနိုင်ငံလုံးပွက်ပွက်ညံ
အဖတွေနဲ့သား
အငြင်းပွားနေကြ
တားနေတဲ့ကြား
ဇွတ်တရွတ်ထွက်သွား
အမှန်ကြိုက်တဲ့သားနောက်
အဖေတကြော်ကြော်ခေါ်ရင်းလိုက်
သားအလောင်းကိုပွေ့ပိုက်
တိုက်ပွဲထဲဆက်တိုးဝင်
ဖခင်တွေ
မိခင်တွေ။

(ဆယ်လေး)
လူပင်လယ်လှိုင်းတွေ
မြို့တိုင်းမြို့တိုင်းမှာ
(၂၆)နှစ်ဟိုဖက်ပိုင်းက
ထိုင်းခဲ့ရတဲ့နားတွေ
တစ်လမ်းသွားဝါဒနဲ့
မျက်ကန်းညတွေကိုနိဂုံးချုပ်ဖို့
အကြွဆုံးတ်ရုပ်
အလှဆုံးအလုပ်လုပ်နေကြပြီ။
သတ်ခဲ့ကြဖြတ်ခဲ့ကြ
ဝါးခဲ့ကြ စားခဲ့ကြ
ခိုးခဲ့ကြ အကျိုးမဲ့သမျှ
မဆလ
မင်းအတိုးနဲ့ခံရစေ့မယ်
ဖိနှိပ်ထားခဲ့သမျှ အုံကြွလာတဲ့အခါ
မျက်နှာဖုံးတွေ တဝုန်းဝုန်းပြုတ်လို့ကျ
မင်းတျှိုသမိုင်းလှနိုင်အုံးမှာလား။

(ဆယ်ငါး)
သမိုင်းစာမျက်နှာထပ်တွေ
တဖျတ်ဖျတ်နဲ့
အဆက်မပြတ်ပြောင်း
အဆက်မပြတ်တောင်း
စစ်သေနတ်ပြောင်းဝတွေဆီ
တရက်မလတ် ဒေါင်းအလှတွေချီ
နီလိုက်တဲ့သွေးတွေနဲ့
ရေးခဲ့တဲ့သမိုင်း
ရိုင်းခဲ့တဲ့ရာဇဝင်
ကမာBတခွင်မှာ
အာဏာရှင်နင်းဖျက်
ဟေ့ မင်းအတွက်
မျက်ကွယ်ရာ ကျည်ကွယ်ရာ
ဘဒ္ဒကမာBမှာ ရှိအုံးမှာလား----။

(ဆယ်ခြောက်)
အကျဉ်းတကာက
လူမသမာတွေကိုဖေါက်
ကျောမွှဲတွေထဲ မွှေနှောက်
ဖောက်ခွဲရေးအစီအမံ
မိန်းမညဏ်နဲ့အဆိပ်ခပ်
မင်းတတ်တဲ့ဗျူဟာ
မင်းသတ်ခဲ့လူတကာ
ကမာBကြေရမှာလား။ ။

(ဆယ်ခုနှစ်)
လက်နက်မဲ့တော်လှန်ရေး
သူရဲကောင်းတို့သွေးနဲ့ရေးပြီ။

(ဆယ်ရှစ်)
လူတန်းစားအသီးသီး
ပေါင်းရုးပြီညီကြ
ဘဝတွေကိုမှိုင်းအုပ်တဲ့
မဆလ ဆိုင်းဘုတ်အားလုံး
တလုံးတစည်း
အညှိုးတကြီါ်ဖျက်ချိုး
မြေပိုးအနှံ့
တေးသံများပျံ့ခဲ့ပြီ
ဒီမိုကရေစီ
ဒီမိုကရေစီ။

(ဆယ်ကိုး)
ဒီမိုကရေစီ ခရီးကြမ်း
မမောတမ်းလျှောက်
ပန်းတိုင်မရောက်မီ
လက်တကမ်း
သရမ်းစော်ကားတဲ့စစ်တပ်
ပစ်ခတ်လို့အာဏာသိမ်း
သွေးအလိမ်းလိမ်းပေကျံ
မဟာခွပ်ဒေါင်းအလံ
ကျည်ဆံတွေခ
ထောင်သောင်းအနန္တပင်
ဖခင်အောင်ဆန်း၏ပုံကား
ဘက်နက်များနဲ့ထိုးနင်း
စစ်ခွေးတသင်း
အဇာတသတ်ဇာတ်ခင်းကြပြီ။

(နှစ်ဆယ်)
ချီကြ ချီကြ
ပြည်ဗဟိုရ်စည်ကနက်တလွှားက
ဒီမိုကရေစီဘက်သားတွေ
မညွတ်မပြောင်း
ခွပ်ဒေါင်းအသည်းပိုင်ရှင်တွေ။

(နှစ်ဆယ်တစ်)
ဘာမထီ
မြန်မာပြည်ဗဟိုက
ဒီမိုကရေစီဆိုင်ကလုံး
တဝုန်းဝုန်းကျော်ဖြတ်
ဒီနေ့ကမာBကြီးကိုပတ်နေပြီ
ပိုလန်၊ ဟန်ဂေရီ
ချီလီနဲ့ ရိုမေးနီးယား
ရုရှားနဲ့ ချက်ကိုစလိုဗက်မှာ
ဒီဒစ်တာတွေ ဇီဝိန်ချုပ်
တရုတ်ပြည်တခွင်
တီအင်န်မင်မှာ
ဂျာမဏီမှာ
ဘာလင်တံတားကြီးပြိုပျက်
ဘယ်ကစနက်တွေလည်း
ဇွဲနဘဲနဲ့ ကမာBကိုပတ်
အဆက်မပြတ်ဝဲပျံ
ခွပ်ဒေါင်းတောင်ပံခတ်သံတွေကြား
ဂြိုလ်သွားလမ်းကြောင်းတွေပြောင်း
အာဏာရှင်ဦးခေါင်းတွေဖြတ်
ကမာBပတ်ခရီးနှစ်
ခွပ်ဒေါင်းဝိညာဉ်
ခွပ်ဒေါင်းဝိညာဉ်တွေပါ။

(နှစ်ဆယ်နှစ်)
နယူးယောက်မှာ
ဘန်ကောက်မှာ
အင်္ဂလန်ပြည်မှာ
ဂျပန်ပြည်မှာ
ရဲရဲနီတဲ့မြန်မာပြည်က
ဒီမိုကရေစီ သီချင်းသံများ
လွင့်ပျံ့သွားတဲ့အခါ
အာဏာရှင်ရဲ့ပလင်များ
ပြင်းထန်စွာလုပ်ရှားခဲ့ပြီ။

(နှစ်ဆယ်သုံး)
သေဘောဘိုးမှာ
မိုးညှင်းမှာ
အရှေ့တောင်
အနောက်မြောက်
ခွပ်ဒေါင်းတွေရောက်
မင်း
ပြေးပေါက်ဘယ်မှာလဲ---။

(နှစ်ဆယ်လေး)
ရှစ်ဆယ်ရှစ်အရေးခင်းတဲ့
သေးဖျင်းသိမ်နုတ်အောင်
ကလိမ်ညဏ်ယုတ်နဲ့
လုပ်ဇာတ်တွေဆောင်ယူ
ဘယ်သူမှမယုံ
ဒါအရေးတော်ပုံ
အင်မတန်မွန်မြတ်တဲ့အရေးတော်ပုံပါ။

(နှစ်ဆယ်ငါး)
မြေမိုးအနှံ့တသိမ့်သိမ့်
တဖိန့်ဖိန့်တုံမြည်ဟီးခဲ့တဲ့
ဒီမိုကရေစီအရေးတော်ပုံကြီး
နှစ် နှစ်ခရီးကိုပေါက်
ထောင်ချောက်တွေဖြတ်
သတ်ကွင်းတွေတိုး
သံဆူးကြိုးတွေခွင်း
အပြင်းတက်
အတင်းဖြက်လာ
မဟာသူရဲကောင်းတွေပါ။

(နှစ်ဆယ်ခြောက်)
သူရဲကောင်းတို့ရဲ့လမ်းကြောင်းများ
လုပ်သားသတင်းစာနဲ့တား
လစာများများနဲ့တား
ယမ်းလွန်လောင်ချာနဲ့တား
ကမ်းလွန်လောင်စာနဲ့တား
အမျိုးသားထောက်လှမ်းရေးနဲ့ကယ်
ကုန်ဈေးနှုန်းကျစင်းရေးနဲ့ကယ်
ဖုန်းမော်အခမ်းအနားခြောက်ပြ
ကုန်းကျော်လမ်းတံတားဆောက်ပြ
ရမလား ရမလား
ခေတ်ရဲ့ရထားဆိုတာ
အရိုးကျင်စက်လည်းမကြောက်
ကြိုးစင်တက်လည်းမထောက်
အကြမ်းဖက်ဂိုဏ်းလည်းမကြောက်
စခန်းဖျက်မှိုင်းလည်းမကြောက်
တစည သူခိုးလည်းမကြောက်
ဗကဗယိုးလည်းမမောက်
ဆရာမောင်မောင်လည်းမထောက်
ယတြာဆောင်လည်းမကြောက်
ပန်းတိုင်အရောက်
အမြဲလျှောက်တယ်--။

(နိဂုံး)
အာဏာရှင်အမျိုးယုတ်
ထိုးသုတ်ဖို့အကွက်ကောင်း
ဖျိုးဖျိုးဖြောင်းဖြောင်း
လာခြင်းကောင်းကောင်းနဲ့
သောင်းသောင်းဖြဖြ
တောသချောင်းချောင်း
ခွပ်ဒေါင်းကလဲ့စား
များမကြာမီ
များမကြာမီ။ ။

ထိန်လင်း
(ကဗျာခေါင်းစဉ်အားနဝဒေး၏လွမ်းချက်ပွေ့၍ အစချီစစ်ရတုမှ ထုတ်နုတ်၍ သုံထားပါသည်)