ဆူး

(ထောင်းရှင်)
ပန်းစကား မဂ္ဂဇင်း
ကျနော့်နာမည် ချစ်ဖူး ပါ။ ပြီးတော့ တတိယတန်း ကျောင်းသား။
အမေကတော့ ဘယ်လို အဓိပ္ပါယ်နဲ့ ပေးခဲ့တယ် မသိဘူး။ ကျနော့်မှာတော့ ချစ်ဖူး ဆိုတဲ့အတိုင်း ဘယ်သူချစ်တာကိုမှ မခံခဲ့ရပါဘူး။ ဒါပေမဲ့ ဒီနာမည်ကလေးကို ကျနော် အသက်တမျှ မြတ်နိုးပါတယ်။ အမေပေးခဲ့တဲ့ တခုတည်းသော အမွေပစ္စည်းလေး မို့လို့ပါ။
လေ့ကျင့်ခန်း စာအုပ်တွေပေါ်မှာ ဆရာတွေရဲ့ လက်ရေးလှလှနဲ့ ရေးပေးထားတဲ့ မောင်ချစ်ဖူး ဆိုတဲ့နာမည်ကို မြင်ရတိုင်း ကွယ်လွန်သွားတဲ့ အမေ့ရဲ့ မျက်နှာကို မှန်းဆ ရမ်းရော်ကြည့်ရင်း လွမ်းဆွတ်တသ အောက်မေ့ သတိရလှပါတယ်။
ဟုတ်ပါတယ်။ ဒီလို ရှားရှားပါးပါး စာအုပ်အဖုံးကနာမည်ကို ကြည့်ပြီးမှ ဘာလို့ ခံစားရပါသလဲ တဲ့။ ကျနော့်ကို အပြင်မှာ ဘယ်သူကမှ ဒီနာမည်ကို မခေါ်ကြလို့ပါ။ အားလုံးရဲ့ သတ်သတ်မှတ်မှတ်ခေါ်တဲ့ နာမည်က ငပွကြီး တဲ့လေ။ ဘယ်လောက်များ ခံပြင်းစရာ ကောင်းလိုက်ပါလဲလို့။ ဟိုလူက ငပွကြီး၊ ဒီလူက ငပွကြီးနဲ့လေ။ ငပွကြီးမှာလဲ အသည်းနှလုံးရှိသည်မို့ ခံစားရပါတယ်။
အိမ်မှာ…
နောက်အမေက မွေးတဲ့ကလေး (၃) ယောက် ရှိပါတယ်။ ဆိုးလိုက်တဲ့ မျောက်လောင်း ကလေးတွေဗျာ။ သူတို့လေးတွေ ဆိုးသမျှ၊ နွဲ့သမျှ ထိန်းကျောင်းရင်း အိမ်မှာ နေရတဲ့ ကျနော်၊ သူတို့ကို ထိန်းရင်း အခုခုများ ထိခိုက်မိရင်၊ သူတို့ အလိုမကျရင်၊ သူတို့ရိုက်သမျှ ဆိုးသမျှဒဏ် မခံနိုင်ခဲ့ရင် အာဗြဲကြီးတွေနဲ့ အော်သမို့ သူတို့အမေ (ကျနော့်မိထွေး) က ကျနော့်ကိုလာပြီး ရိုက်တော့တာပါပဲ။ မေးမြန်းစစ်ဆေးခြင်းမရှိ။ သူ့ကလေးတွေပြောသမျှ အမှန်၊ လုပ်သမျှတာ အမှန်။ သူရိုက်တာလဲ ကျနော် ခံနိုင်ပါတယ်။ ဒါပေမဲ့ “ဟဲ့… ဥတလုံးကောင်ရဲ့။ ကိုယ့်မှာ ညီအကို မောင်နှမ မရှိတိုင်း မကျင်နာတတ်ဘူး။ မချစ်တတ်ဘူး။ နင့်ကို ကျွေးရ၊ မွေးရတာ ဆန်ကုန်မြေလေးပဲ။ အလကားကောင်။ ငပွကြီးခေါ်တော့ နာတတ်သေးတယ်” ဆိုပြီး ဆဲဆိုပြောတာကိုတော့ ကျနော့်ရင်ထဲမှာ ခံစားထိရှ ရပါတယ်။ သူပြောတဲ့ အလကားကောင်က ရေခပ်ပေး၊ ထင်းခွဲပေး၊ ဈေးဝယ်ပေး၊ ကလေးထိန်းပေးပေမဲ့ အသိအမှတ်ပြု မခံရပဲ ဆူပူအကြိမ်းအမောင်းခံနေရတော့ သူခိုင်းတာကို ကျနော် မနာခံချင်တော့ဘူး။ ဒီတော့လဲ ငပွကြီးဟာ ငပွကြီးပဲပေါ့လေ။ ကွယ်ရာမှာ မျက်ရည်ကျရင်း ရင်ခွင့်မဲ့ ကလေးတယောက်ရဲ့ ရင်ထဲက ဝေဒနာတွေကို ကိုယ့်ဖာသာကိုယ်ပဲ ကျိတ်မှတ် ခံစားခဲ့ရပါတယ်။
ကျောင်းမှာကျတော့ကော…
သူငယ်တန်း၊ ပထမတန်းတွေမှာ (အမေမဆုံးမီကပေါ့) စာတော်ခဲ့တဲ့၊ အရာရာမှာ မျက်နှာ မငယ်ခဲ့ရတဲ့ ကျနော် အခုတော့ အတန်းဖော်တွေရဲ့ အထင်သေး မျက်လုံးတွေနဲ့ ရင်ဆိုင်လာရပြန်သမို့ အားလုံးကို အရွဲတိုက်ပစ်ချင်လာမိတယ်။
အမေမရှိတော့လို့ စုတ်ပြတ်လာတဲ့၊ မုန့်ဝယ်မကျွေးနိုင်တော့တဲ့ ကျနော့်ကို အဖက်မလုပ်ချင်ကျရတော့တဲ့အထဲ မြေနိမ့်ရာလှံစိုက်၊ နူရာ ၀ဲစွဲခဲ့ရပြန်တယ်။
အဲဒီ သူခိုးဘွဲ့ခံခဲ့ရတဲ့ (သူခိုးဖြစ်ခဲ့တဲ့) နေ့ကပါ။ အိမ်က မာလကာပင်က ပွတဲ့အသီးတွေကို ခူးခဲ့ပြီး လမ်းမှာ လျှောက်ရောင်းခဲ့တဲ့ ပိုက်ဆံတွေရယ်၊ တခါတလေ ရခဲ့တဲ့ မုန့်ဖိုးလေးတွေရယ်ကိုပါ စုပြီး ကျနော် သိပ်လိုချင်တဲ့ ကွန်ပါဘူး သေးသေးလေးကို ဈေးမှာ ၀င်ဝယ်ခဲ့ပါတယ်။
အဲ…ဒါပေမဲ့ လိုချင်တာကို ရလို့ ကျနော် ကျေနပ်နေတဲ့ ကျနော့်အပျော်ဟာ နေ့တောင် မကူးလိုက်ပါဘူး။
ကျောင်းတက်ပြီး မကြာခင်မှာပဲ ရှေ့ဆုံးတန်းက မောင်ခင်ဌေးရဲ့ ကွန်ပါဘူး ပျောက်လို့ ဆိုပြီး တိုင်ချက်ဖွင့်သံကို ကြားလိုက်ရပါတယ်။ ခါတိုင်းလဲ ခဲတံပျောက်ကျနော်၊ ခဲဖျက်ပျောက် ကျနော် (မဟုတ်ဘဲနဲ့) အစွပ်စွဲ ခံနေကျမို့ ဒီတခါမှာလဲ ကျနော် တော်တော် ရင်တုန်ခဲ့ရတာပေါ့။ ဘယ်လိုနည်းနဲ့မှ ကျနော့် ကွန်ပါဘူးလေးကို အထိမခံနိုင်၊ မပေးနိုင်ပါဘူး။
ကိုယ့်ချွေးနည်းစာလေးနဲ့ ခြစ်ခြစ်ကုတ်ကုတ် စုဝယ်ခဲ့ရတာမို့ အသက်လောက် မြတ်နိုးပါတယ်ဆိုရင် ပိုလိုက်တာလို့များ ပြောကြလေမလား။ ကလေးတယောက်ရဲ့ ခံစားချက်မို့ ကလေးချင်းပဲ ပိုသိကြမှာပါ။ အမေပြောခဲ့ဘူးတဲ့ “ဘကြီးအောင် ညာတယ်” ပုံပြင်လေးထဲမှာဆိုရင် ယမင်းရုပ်လေးအတွက် မောင်ချစ်ကလေးဟာ အသက်တောင် သေသွားခဲ့ရရှာတာ။
ဒီလိုနဲ့ တိုတိုပြောရရင် ကျနော့် ကွန်ပါဘူးလေးကို သူတို့ တွေ့သွားကြတယ်။ မောင်ခင်လေးကလဲ အဲဒါ သူ့ကွန်ပါဘူးလေးပါ တဲ့။ သူ့သူငယ်ချင်းတွေ အားလုံးကလဲ ထောက်ခံကြတယ်လေ။
ကျနော့်မှာတော့ ဒီနေ့မှ ၀ယ်လာမိတဲ့ အသစ်ကလေးမို့ ဘေးနားက သူငယ်ချင်းတွေတောင်မှ မပြရသေးတာမို့ ဘယ်သူ့ကို သက်သေလိုက်ခိုင်းလို့ ရမှာလဲလေ။
ပြီးတော့ တပြားဖိုးမှ ၀ယ်မစားနိုင်တဲ့ ကျနော့်လိုကောင်က ကွန်ပါဘူး ရှိနေတာ မတန်မရာမို့ ကျနော့် ဖြေရှင်းချက်တွေကလဲ အလကားပါပဲ။
နောက်ဆုံးတော့ အတန်းပိုင်ဆရာရဲ့ ဆုံးဖြတ်ချက်အရ ပေးလိုက်ရတဲ့ ကွန်ပါဘူးလေးကို ကြည့်ရင်း ပြည့်အိုင်လာတဲ့ ကျနော့် မျက်ရည်တွေထဲမှာ အရာအားလုံးဟာ ဆုံးရှုံးမြောပါသွားခဲ့ရပါတော့တယ်။
ကျောင်းမှာလဲ မပျော်၊ အိမ်မှာလဲ ဘ၀င်မကျခဲ့ရတဲ့ ကျနော်ဟာ မိထွေး ရိုက်မှာစိုးလို့ ကျောင်းကိုတော့ မှန်မှန် တက်ခဲ့ပါတယ်။ ဒီလိုနဲ့ သိန်းလက်ကနေ စွန်လက်ဆိုသလို တတန်းပြီးတတန်း ကူးပြောင်းခဲ့ရပါတယ်။ ဒီနှစ်တော့ ကျနော် တတိယတန်းပေါ့။
အတန်းရဲ့ နောက်ဆုံးထောင့်မှာ ထိုင်နေတဲ့ကျနော့်ကို ဆရာမက သိချင်မှတောင် သိမှပါ။ ကျနော့်မှာကလဲ မိထွေးကို ကြောက်လို့ ကျောင်းတက်နေရတဲ့ဥစ္စာ။
တနေ့တော့… နေ့လည်ကျောင်းဆင်းချိန်မှာ ကျောင်းနဲ့ မလှမ်းမကန်းကို သွားဆော့ကြရင်း သစ်ပင်တပင်ပေါ်ကနေ ခုန်ချလိုက်တဲ့အခါ အသည်းပေါက်မတတ် နာကျင်လွန်းလို့ ငုံ့ကြည့်လိုက်တော့ ကျနော့် ခြေဖ၀ါးမှာ နည်းတဲ့ ဆူးကြီး မဟုတ်ပါဘူး။
တော်ရုံတန်ရုံလူဆို အော်ငိုမိမှာပဲ။ ကျနော်ကတော့ မဖြုံပါဘူး။ ရွှဲအိုင်လာတဲ့ သွေးတွေကို လက်ဝါးနဲ့အုပ်၊ အံကို တင်းတင်းကြိတ်၊ မျက်စိကို မှိတ်ထားလိုက်ပါတယ်။
တယောက်တပေါက် အသံတွေကို နားထောင်ရင်း၊ မျက်စိမှတ်ရင်း အမေ့ကိုလဲ တမ်းတရင်း ရင်ထဲမှာ အသံတိတ် အော်ဟစ် ငိုကျွေးနေတဲ့ကျနော် စွေ့ကနဲ မြောက်တက်သွားလို့ မျက်လုံးဖွင့်ကြည့်လိုက်တော့… လာလာ… ဆရာမတယောက်က ပွေ့ချီလိုက်တာကို။
စက်ဘီးပေါ်တင်ပြီး တွန်းသွားတဲ့ ဆရာမ၊ တယုတရ တညင်တသာနဲ့ ဆူးနှုတ်ပေးတဲ့ ဆရာမ။ ဆေးထည့်ပေးပြီး သူ့ လက်ကိုင်ပုဝါလေးနဲ့ စည်းပေးလိုက်တဲ့ ဆရာမ၊ တအံ့တသြနဲ့ ငေးကြည့်နေမိတဲ့ ကျနော့်ရဲ့ မျက်ရည်တွေကို ဖွဖွ သုတ်ပေးတဲ့ ဆရာမ… ကြည့်ရင်း ကြည့်ရင်း… ကျနော့် မျက်စိထဲမှာ၊ ရင်ထဲမှာ ဆရာမနဲ့ အမေ၊ အမေနဲ့ ဆရာမ… ရောထွေး ပေါင်းယှက်သွားတော့တယ်။ အမေ့ကိုလဲ လွမ်းဆွတ်အောက်မေ့ သွားမိတယ်။ ပြီးတော့ တကယ့်ကိုပဲ ရှိုက်ကြီးတငင်နဲ့ ငိုချလိုက်ပါတော့တယ်။
ညနေမှာတော့ ဆရာမက ကျနော့်ခုံဘေးမှာ မတ်တပ်ရပ်ရင်း ကျွန်ပိုင်ရှင်ခေတ်က ကျွန်လေးတယောက်နဲ့ ဆူးစူးတဲ့ ခြင်္သေ့ကြီးအကြောင်း ပုံပြင်လေးကို ပြောပြပါတယ်။ ကျေးဇူးသိတတ်တဲ့ ခြင်္သေ့ကြီး၊ လိမ္မာတဲ့ ခြင်္သေ့ကြီး၊ ရဲရင့်တဲ့ ခြင်္သေ့ကြီး၊ သတ္တိရှိတဲ့ ခြင်္သေ့ကြီးကို အားကျမိပြန်ပါတယ်။
ကျနော့်ရဲ့ နီကျင်ကျင် ဆံပင်လေးတွေကို ပွတ်သပ်ရင်း ဆရာမက ပြောပြသေးတယ်… “ပုံပြင်ထဲက ခြင်္သေ့ကြီးထက် အပြင်ဖက်က ဟောဒီ ခြင်္သေ့ကလေးက ပိုပြီး ရဲရင့်တယ်၊ သတ္တိရှိတယ်။ ဆူး စူးတာတောင် မငိုဘူး။ ဆရာမ သိတယ်… ဒီခြသေ့င်္လေးဟာ နောက်ဆိုရင် တိုင်းပြည်အတွက်၊ လူမျိုးအတွက် တော်လဲတော်၊ လိမ်လဲ လိမ္မာ၊ ရဲလဲ ရဲရင့်၊ သတ္တိလဲရှိတဲ့ ခြသေ့င်္လေး ဖြစ်တော့မှာပဲ…” တဲ့။
ဟုတ်ပါတယ်…
အဲဒီအချိန်ကစပြီး ကျနော်ဟာ နေရာတိုင်းမှာ အရေးပါတဲ့ “ဆရာမပြောတဲ့” ခြသေ့င်္လေး ဖြစ်လာခဲ့တာ အခုဆို တိုင်းပြည်နဲ့ လူမျိုးအတွက် အလုပ်လုပ်နေတဲ့ ချစ်ဖူးဘ၀ထိအောင်ပါပဲ။ အဲဒါဟာ… ကျနော့်ရင်ထဲက ဆူးတွေကို ဆရာမက နှုတ်ပေးခဲ့လို့ ဒဏ်ရာ အနာတရတွေ ကင်းစင် ပပျောက်သွားခဲ့ရလို့ပါ။
(ကျမ၏ ဆရာ၊ ဆရာမများသို့)